«Җәмәгать туклануы» проектын гамәлгә ашыру яңадан башланды

Россия Федераль салым хезмәтенең Татарстан Республикасы буенча 8 нче районара Федераль салым хезмәте контроль-касса техникасын бөтен җирдә куллануны тәэмин итүгә һәм салым түләүчеләрнең җәмәгать туклануы хезмәтләре күрсәтү буенча эшчәнлек алып баручы касса чекларын бирүгә юнәлдерелгән «Җәмәгать туклануы» проектын гамәлгә ашыруның яңадан башлануы турында хәбәр итә.

«Россия Федерациясендә исәп-хисапларны гамәлгә ашырганда контроль-касса техникасын куллану турында» 22.05.2003 елның  54-ФЗ номерлы Федераль закон нигезендә физик затларга товарлар, эшләр, хезмәтләр, шул исәптән җәмәгать туклануы хезмәтләре, оешмалар яки шәхси эшмәкәрләр сатканда контроль-касса техникасын кулланырга һәм түләү вакытында клиентларга мәҗбүри реквизитлар булган касса чекларын бирергә (җибәрергә) тиеш.

Шул ук вакытта салым органнарының контроль эшенең нигезе булып хокук бозуларны профилактикалау һәм салым түләүчене үз вазифаларын ирекле башкаруга этәрү тора.

Контроль-касса техникасын кулланмаган өчен административ хокук бозулар турында Россия Федерациясе кодексының 14.5 статьясында штраф (РФ Административ хокук бозулар кодексының 14.5 статьясының 2 өлеше) һәм эшчәнлекне туктатып тору (РФ Административ хокук бозулар кодексының 14.5 статьясының 3 өлеше) рәвешендә административ җаваплылык каралган.