Буа районының Адав-Толымбай авылында Бөек Ватан сугышы ветераны хөрмәтенә мемориаль такта ачылды

2024 елның 7 мае, сишәмбе

Гарифҗан Хәйруллин Сталинградны яклаучы, шулай ук Адав-Толымбай мәктәбенең элеккеге укытучысы һәм директоры.

Тантанада хакимият вәкилләре, укытучылар, мәктәп укучылары, авыл халкы һәм Хәйруллин Гарифҗан Шакирҗан улының туганнары катнашты. Алар барысы да Бөек Ватан сугышы елларында җирле мәгариф үсешенә һәм Ватанны саклауга зур өлеш керткән кешегә хөрмәт күрсәттеләр.

Мемориаль такта урнаштыру - илебезнең азатлыгы һәм бәйсезлеге өчен фидакарьлек белән көрәшкән ветераннарга истәлек һәм рәхмәт символы.