Авыл җирлеге хакында

Авыл җирлеге хакында

Адав-Толымбай авыл җирлеге

422404 ТР Буа районы, Адав-Толымбай авылы, Үзәк урам 99 йорт
Телефон: 8 84374 45-2-07

Авыл җирлеге башлыгы Әхмәтҗанов Азат Фазылҗан улы

Авыл җирлеге башлыгы урынбасары
Кәримов Айрат Мостафа улы

Сәркатип Насертдинова Гөлчәчәк Шәүкәт кызы

Кабул итү вакыты СИШӘМБЕ: 14-00 сәгатьтән 17-00 сәгатькә кадәр

Географик урыны Адав-Толымбай  авыл җирлеге Зур Фролово, Кыят, Карлы, Түбән Наратбаш, Суыксу авыл җирлекләре һәм Тәтеш районы белән чиктәш.

Адав-Толымбай авыл җирлеге Буа шәһәреннән 5 км. ераклыкта урнашкан. Адав-Толымбай авыл җирлегенә 3 авыл керә: Адав-Толымбай, Ивашевка һәм Яңавыл авыллары. Авыл җирлеге үзәге Адав-Толымбай  авылы.

Мәйданы 4429,05 га.; халык саны: 895 кеше.; төп халкы: татарлар.

Кыскача тарихи мәгълүмат: Адав-Толымбай авылы тарихы 1655 елдагы язмаларда ук языла. Авыл бик матур урынга урнашкан. Бер ягында нарат урманы булса, икенче ягында - катнаш урман. Авыл каршында Зур күл бар, аңа бик күп кечкенә күлләр кушыла. Катнаш урман яныннан Зөя елгасы ага.

Элек авылны Сөүш (Сүеш – село Сюеш) дип йөрткәннәр, чөнки авыл янында тагын Сөүш – Сүеш дип исемләнгән торак пункт та булган. Шуннан соң тагын Яңа Сөүш – Сүеш исемле авыл да барлыкка килә. Өч авыл вакытлар узу белән бергә кушылып, Адав – Толымбай дип йөртелә башлый.

1859 елда авылда беренче мәчет төзелә. 1884 елда мәчеттә беренче мәктәп ачыла.

1912 елда авылда икенче татар мәктәбе ачыла.

Бөек Ватан сугышында авылыбыздан  378 кеше катнашты, шуларның 208 батырларча һәлак булды.

Күренекле урыннар

Бөек Ватан сугышында һәлак булучылар истәлегенә куелган 2 һәйкәл, 1 мемориал комплекс  бар.

Ивашев исемендәге парк.